Contacontos con Olga Cuervo

Seguimos celebrando o día do libro e dos contos:

Hoxe tivemos a visita de Olga Cuervo, actriz, contacontos e animadora que nos deleitou con dúas sesións moi divertidas das súas historias de piratas, galiñas, poliños, lobos, todo isto mesturado con grandes doses de autobiografía…

Encantounos!!

dsc03723dsc03725dsc03726dsc03731dsc03733dsc03734

Advertisements

CARREIRA DA ROSCA 2019

O pasado venres 12 de abril celebrouse a

XXX Edición da Olimpiada da Rosca,

un clásico no noso centro educativo que une a actividade deportiva coa degustación tradicional da rosca.

Nesta ocasión unha das novidades foi a participación no proxecto

“Gotas para Níxer” de UNICEF,

apoiando a labor desta ONG en relación ao saneamento e hixiene das escolas nas aldeas deste país africano.

A participación foi un éxito, conseguindo unha doazón total de 300 euros para colaborar con esta causa solidaria.

Así foi a carreira:

 

Cada neno e nena recibiu un diploma e unha mochila polo seu esforzo:

 

This slideshow requires JavaScript.

Tamén estivemos na procura de ovos de Pascua por todo o patio:

This slideshow requires JavaScript.

 

 

Coma sempre agradecemos á ANPA e ao noso conserxe Fran a súa colaboración:

dsc03690

 

DIA DO LIBRO

Hoxe conmemórase o DÍA DO LIBRO e a escritora Marilar Aleixandre agasállanos cun poema que nos remiten dende a Asesoría de Bibliotecas escolares:

ao leres irás voando
nun paxaro de papel,
na folliña dun poema
que tiraches do andel,
viaxe ao fondo das preguntas:
o libro leva a contraria
ao “así foi e así será”
a toda a rutina diaria
pois a lectura é rabuda,
descrida e impertinente
aprende a desaprender
a mirar con outra lente
a gozar co máis difícil
turrar da porta até que abra
entrar no descoñecido
beber viño de palabras

                                                 Marilar Aleixandre

Mes do libro

Durante este mes estamos a realizar diversas actividades para conmemorar o mes do libro.

Os axudantes de biblioteca prepararon uns contos para todos os nenos e nenas do centro:

Zaira, Ariadna e Mateo contáronnos o conto:

“Bromas na escuridade”

para os nenos e nenas de 1º e 2º:

 

 

 

Andrea, Zaira e Laura contáronnos

“Valentina tiene dos casas”

aos nenos e nenas de Infantil:

 

 

Pedro, Lucía e Candela escenificaron o conto:

“Este conejo pertenece a Emily Brown”

para os nenos e nenas de 3º e 4º:

 

Antía, Natalia e Sabela contaron o conto

“Así es mi corazón”

para os máis maiores do cole, os rapaces de 5º e 6º:

 

 

 

 

 

 

SAÍDA AO TEATRO

Os nenos e nenas de 1º, 2º e 3º desprazáronse a Vigo para ver unha obra de teatro titulada:

“Eu cociño, e ti?”.

 

Despois, aproveitando que non chovía, disfrutamos da merenda no parque de Castrelos:

 

Tamén nos deu tempo de visitar os preciosos xardíns do Pazo de Quiñones de León: